DODO S.r.l.
Pordenone via G. B. Bertossi, 6 - 33170 - Italia
tel. +39 0434 1852041 | fax +39 0434 1691252
info@dodosrl.it
2021 | Dodo srl | Tutti i diritti riservati| Reg. Imp. PN- REA PN-81410 C.F.e P. IVA 01497330934 | Cap. Soc. 90.000,00 Euro i.v.
Supuart diret e continuât
Informativa sulla Privacy
DODO+ e i siei consulents a puedin garantî un supuart continuatîf al imprenditôr pes strategjiis aziendâls plui impuartantis. In chest câs la ativitât di analisi e di monitorament de situazion aziendâl dal pont di viste economic e finanziari a deventin un percors di condividi in maniere fisse cul imprenditôr-client.
Il fin al è chel di cjatâ lis soluzions plui justis indreçadis al miorament des prestazions aziendâls sul lunc periodi. Il nestri obietîf al è di furnî indicazions e metodis a dutis lis aziendis che a àn bisugne di un management temporani, integrât cun chel esistent, che al lavore par timp e cun competence pal client par rivâ ai obietîfs fissâts.
DODO+ al jentre tant che colaboradôr tra i colaboradôrs dome cuntun fin: scuvierzi e valorizâ lis potenzialitâts singulis, par agjevolâ il lavôr di scuadre.
O sin sigûrs che cheste e sedi la strade juste e la diference che nô o rivìn a percepî rispiet aes consulencis aziendâls classichis, dulà che si "assegnin i compits e dopo si verifichin", e sta propit intal fat che nô no puartìn dal esterni un mût di fâ precostituît, no imponìn mai il gjenar di zûc, ma "o alenìn" la scuadre a zuiâ miôr intal rûl dulà che e à zuiât simpri, judantle a scuvierzi il rûl che plui si confâs a jê.
La nestre scuadre e motivarà il personâl creant une atmosfere di colaborazion naturâl che di chê la aziende e gjavarà fûr cetancj benefics. In sintesi, ce che al ufrìs DODO+ al è une consulence "partnership" che nus fasarà sintî un toc de aziende e dai siei obietîfs.
Chest supuart al sarà metût in vore traviers dai nestris Temporary Manager e Innovation Manager.
Il TEMPORARY MANAGER si interesse di:
Disvilup dal Business
- Jutori ae proprietât inte gjestion aziendâl, Direzion Gjenerâl.
- Direzion comerciâl, disvilup di rêts comerciâls e/o gnûfs canâi distributîfs in Italie e tal forest.
- Start-up di gnûfs progjets, NewCo, lanç di gnûfs brand/prodots, viertidure di business, ativitâts o filiâls forestis gnûfs.
- Cressite sostignude che e domandi managjerialitâts superiôrs e di respîr internazionâl.
- Jutori dai invistidôrs inte acuisizion di aziendis o inte creazion di joint-venture.
Marketing Strategjic
- Cambi de strategjie aziendâl, riposizionament dal brand, value pricing, ricercjis e analisi di marcjât.
- Ricercje di gnûfs canâi di vendite (rivendidôrs, distributôrs, VPC, franchising, web, shop-in-shop, one-flag shop).
- Gjestion di centris media, agjenziis di PR, organizazion di events e fieriis.
- Ideazion di une gnove marche o prodot, co-branding e marketing coordenât, below-the-line.
Situazions di crisi
- Turnaround, risanament e rilanç aziendâl (part riorganizative e comerciâl).
- Passaç gjenerazionâl (funzion di "puint" tra il fondadôr e lis gnovis gjenerazions).
- Assence contingjente o slontanament di un manager clâf.
- Integrazion culturâl e organizative sucessive a une acuisizion.
- Otimizazion di coscj e spesis, assets, proceduris, razionalizazion dal personâl.
- Delocalizazion produtive e outsourcing di procès (Europe dal Est, Cine, Indie).
- Gjestion di une filiâl, consociade o marcjâts forescj in fase di crisi.
Check-up aziendâl
In agns tant che chescj, di crisi e di ripensament dal business e dal disvilup futûr in contescj no plui dome regjonâi, ma globâi e a grande velocitât di cambiament, la visite di control de bande di un manager esterni ae aziende, e il confront cun lui, a puedin judâ une vore un imprenditôr prevident e inovatîf, che al desideri miorâ e rindi plui zovevulis lis sôs azions, adotant soluzions che a son il risultât di une esperience plurienâl une vore eterogjenie. Dut chest a coscj contignûts e cun rispuestis pardabon sveltis.
L’INNOVATION MANAGER al è la figure in stât di acelerâ i procès di inovazion e di digjitalizazion des aziendis.
Cuant che o fevelìn di inovazion vuê, o fasìn riferiment a diviers aspiets. Si pues tratâ di prodots e servizis dal dut gnûfs, o modificazions significativis a chei che a esistin za par che a rispuindin a gnovis esigjencis di marcjât; si pues tratâ di rivoluzions intai procès organizatîfs o produtîfs; si pues tratâ fintremai di adotâ une forme dal dut gnove di organizazion aziendâl.
Si partìs di une analisi e di un monitorament di dutis lis funzions dal business par capî cuâi di chescj aspiets al vedi bisugne di un intervent, o cuâi che a sedin i plui sensibii in teme di inovazion.
Po dopo si va indenant cuntune figure che par un periodi di timp e ven inseride inte ativitât par fâ il so compit di rinovament. A coventin cognossincis tecnichis e tecnologjichis, competencis in marketing che a vuidin cheste figure intal studi dal marcjât di riferiment par individuâ lis strategjiis justis di meti in vore par fâ front ai cambiaments ancje in confront dai concorints.
A coventin capacitâts di gjestion aziendâl e indreçadis a capî cemût trasformâ i procès organizatîfs dal univiers aziende, ancje intune otiche di stimolazion de creativitât dentri dal grup di lavôr; e competencis in materie economiche finanziarie parcè che si sint a fuart la dibisugne di planificâ une strategjie di inovazion ancje in chest sens..
"DODO+ e je colegade cul mont des universitâts e de ricercje, cun pôi tecnologjics, aceleradôrs, incubadôrs e dipartiments di trasferiment tecnologjic".
DODO S.r.l.
Pordenon via G. B. Bertossi, 6 - 33170 - Italie
tel. +39 0434 1852041 | fax +39 0434 1691252
Vago di Lavagno - VERONA via N. Copernico, 44 - 37030 - Italie
tel. +39 045 4853209 | fax +39 045 5113386
info@dodosrl.it
2019 | Dodo srl | Ducj i dirits risiervâts | Reg. Imp. PN- REA PN-81410 C.F.e P. IVA 01497330934 | Cap. Soc. 90.000,00 Euro i.v.
Informativa sulla Privacy