Contest: Aziende taliane in logade in F-VJ, ative di 25 agns, setôr mecanic leât a realizazion di machinis e implants pe depurazion des Aghis. Faturât > 15 Mln €, di chescj 60 % tal forest, numar dipendents > 40.
Probleme
La aziende e invistìs ogni an plui dal 15% di faturât in R&D cence vê vût mai acès a finanziaments. E decît di partecipâ a un progjet di Contribût de Comunitât Europeane che e cjape dentri 10 aziendis e finanziât intal ambit di: FP5-GROWTH. Il progjet al tocje la difese dal ambient naturâl cul recupar di centenârs di miârs di m3 di aghe che a vegnin di implants di tratament des aghis des oficinis di placadure de CE che a gjenerin refudums tossics dificii di individuâ e di cuantificâ. L'obietîf de propueste al è di rivâ a "refudums licuits zero" sul sît, disvilupant e validant tecnichis di ricicli e di purificazion dai efluents.
La inovazion si inserìs intal procès di R&D de societât e e ven prime dal ricicli de aghe recuperade. La aziende no individue tal so organigram un manager just stâi daûr al progjet. Il progjet al vâl pe aziende € 400.000 di contribût.
Soluzion proponude
- Temporary Management cun plan di lavôr struturât.
- Partecipazion ai meeting operant in lenghe (inglês/francês) cui Partner dal progjet sedi dongje lis sedis des aziendis partecipantis che dongje la Sede de Comunitât Europeane a Brussel.
- Assistence inte realizazion e inte predisposizion de domande di contribût cun:
- Assistence inte compilazion de domande.
- Assistence inte predisposizion dal progjet, sedi inte part descritive che in chê economiche.
- Presentazion de domande di contribût daûr des modalitâts previodudis.
- Assistence inte eventuâl documentazion integrative domandade.
- Assistence pe rindicontazion dal progjet cun chestis ativitâts:
- Supuart inte impostazion iniziâl.
- Verifiche de coretece de rindicontazion.
- Assistence inte eventuâl documentazion integrative.
Timing
12 mês a timp parziâl.
Risultâts otignûts
- Contribût di € 400.000.
- Creazion e sfrutament des sinergjiis cu lis 10 aziendis partner dal progjet.
- Inviadis lis basis par un secont contribût comunitari.
- Organizazion e coordenament di colaboradôrs esternis e internis che a partecipin al progjet.