Home Page

DODO+ e je une realtât che e je ative tal setôr de consulence strategjiche dal disvilup e de riorganizazion des ativitâts aziendâls.

Integrant metodis inovatîfs e tecnologjiis, al indrece e al compagne lis ativitâts produtivis par rivâ a un rûl di sorestanzie e autorevolece intai diviers ambients di lavôr e intai setôrs di marcjât.

L’obietîf di DODO+ al è chel di jessi un partner di fiducie inte agjende di chês aziendis che a àn tant che fin une cressite solide e costante. Di plui di 20 agns, cun studi, metodi e aplicazion, al met a disposizion la esperience pratiche maduride colaborant cun firmis impuartantis in cetancj setôrs.

DODO+ nol furnìs dome une consulence. Cuntune ativitât di rêt componude di professioniscj, al jude a meti in linie ativitâts e sistemis cun chê di rivâ a obietîfs di business une vore professionâi.

Condividint e furnint al client informazions adatis, DODO+ al professionalize lis impresis e al devente un partner strategjic pe cressite.

RÊT PROFESSIONÂL

Un grup di professioniscj e lavore in sinergjie par judâ i imprenditôrs a risolvi problemis, a rivâ a obietîfs, organizâ, planificâ e inovâ in maniere strategjiche il business, analizant e monitorant i progrès, par capî se al covente un intervent.

Lis competencis principâls de nestre scuadre di lavôr a son:

- Competencis di economie e di marketing, necessariis par studiâ la aziende e il marcjât là che e opere, formulant strategjiis buinis pe cressite.

- Flessibilitât e cognossincis trasversâls validis in ducj i contescj aziendâi.
- Capacitât di gjestion aziendâl e cognossince dai modei organizatîfs.

- Creativitât e fantasie par dâ vite a progjets gnûfs.

- Competencis tecnologjichis une vore altis.
- Capacitâts relazionâls fuartis.

Vantaçs pal Imprenditôr

- Vê un jutori e la consulence complete di un grup di professioniscj specializâts intes variis dissiplinis, coordenâts tra di lôr, par analizâ e disvilupâ ogni aspiet dal business.
- Jessi supuartât in ogni aspiet de vite de imprese.
- Vê a disposizion une analisi e une strategjie aziendâl utile sedi a nivel globâl che par ogni altri aspiet gjestionâl.
- Condividi lis strategjiis plui zovevulis par podê risolvi problemis e par cjapâ in maniere plui svelte decisions ponderadis.
- Cjatâ gnovis soluzions, deventâ plui competitîfs e strategjics intal business.

La nestre passion e je inovâ e organizâ la imprese piçule e medie par rindile plui competitive sul marcjât

NEWS - ZENÂR 2020

DODO+ e je une realtât simpri al pas cui timps e une vore atente a doprâ ducj i mieçs di comunicazion.

Al è par chest che o vin ativât une pagjine Facebook li che, in plui che a lis informazions su la nestre aziende e i nestris Câs di studi, al è pusibil lâ daûr a dutis lis ativitâts dal nestri team e partecipâ in mût atîf aes nestris argomentazions.

Stanus daûr su:
https://www.facebook.com/DoDoInnovationAndManagement

NEWS - OTTOBRE 2019

Volêso inovâ la vuestre aziende ma no vês avonde risorsis par fâlu?

Tacant de fin di Otubar, a saran metûts a disposizion dal Ministeri dal Disvilup Economic (MISE) gnûfs finanziaments impuartants pes impresis piçulis e mediis.
Cul “Voucher per l’Innovation Manager” il MISE al vûl sostignî lis aziendis te trasformazion tecnologjiche e digjitâl, favorint il disvilup di competencis diretivis.

In graciis di chestis agjevolazions impuartantis, lis aziendis a puedin dotâsi di figuris specializadis par implementâ gnovis tecnologjiis e metodologjiis de Industrie 4.0.

Dut chest in graciis dal Innovation Manager, un professionist che lis aziendis a varan di selezionâ tra lis societâts furnidoris, che si cjatis inte liste dal Ministeri e che tra chês e je ancje DODO+

Ce che puedial fâ DODO+ pes aziendis?

- Se o beneficiarês dal voucher, al cirarà e al selezionarà un consulent just pe vuestre aziende.
- Us starà dongje tal percors burocratic, te presentazion des domandis pal voucher e inte gjestion dal contribût.

Se o sês interessâts ai voucher, contataitnus e us darìn dutis lis informazions che us puedin coventâ!