Industrie 4.0
Cun chest tiermin si definìs une tindince de automazion industriâl a integrâ gnovis tecnologjiis produtivis pal miorament des cundizions di lavôr, la creazion di gnûfs modei di business par incressi la produtivitât dai implants. Il plan Industrie 4.0 al vûl creâ un ambient favorevul aes impresis, tignint cont de gnove fase di globalizazion e dai cambiaments tecnologjics in at, midiant di un insiemi di misuris organichis e complementârs in stât di favorî i invistiments pe inovazion e pe competitivitât.
DODO+ al jude lis PMI in concret intal implementâ lis diviersis tecnologjiis par fâ cressi gnûfs modei di business. Chest al ven fat supuartant i propris clients midiant di une analisi/interviste necessarie a definî e a segnâ il stât di maturitât digjitâl de imprese, frontant un percors virtuôs viers la Industrie 4.0 in graciis de “Bussule Digjitâl” – un strument di valutazion che al permet di otignî une imagjin realistiche de maturitât de imprese a pet de adozion de Industrie 4.0 –, planificant intal stes timp i progjets par inviâ o par completâ la trasformazion digjitâl.
DODO+ al fronte la tematiche de Industrie 4.0 intai aspiets mancul banâi e plui profonts dal cambiament digjitâl, o ben chei leâts ae formazion des personis (dai operadôrs direts ai imprenditôrs) e ae introduzion dal paradigme de virtualizazion intai procès e intai sistemis des impresis manifature.
DODO+ al jude i siei clients a:
- Incressi il nivel di cussience su la trasformazion digjitâl.
- Fâ capî, cun semplicitât e imediatece, il moltiplicadôr di amortament par invistiments in bens materiâi par rinfrescjâ in curt il parc machinis..
- Fâ une analisi dal Plan dai Invistiments.
- Analisi dai aspiets finanziaris e ricercje di fonts.
- Analisi e definizion dai benefics fiscâi.
- Traviers i siei partner al propon:
- Certificazion dal prodot.
- Plateforme software di interconession otimizant timps e risorsis.
- Capî cemût doprâ i dâts IoT a benefici des diviersis figuris aziendâls in maniere svelte e zovevule.
DODO+ al è un partner che al compagne lis PMI te direzion de trasformazion in aziende 4.0